"زلزلے بے سبب نہیں آتے"

"زلزلے بے سبب نہیں آتے"

میں سائنسی تاویلات کے ہر گز مخالف نہیں ہوں مگر جب ہم مسلمان بھی غیر مسلموں کی طرح زلزلے جیسی آفات کومحض علاقے کے فالٹ لائن پر ہو نے ، زمین کے درجہ حرارت میں تبدیلی ہونے یا زیر زمین پلیٹوں کے ہل جانے کے انداز میں ہی سوچتے ہیں تو میرا خوف بڑھ جاتا ہے کہ اللہ تعالیٰ کے بار بار متنبہ کرنے کے باوجود ہم بحیثیت مجموعی اپنے اندر اخلاقی و معاشرتی بگھاڑ کو نہ تو دیکھنا چاہتے ہیں اور نہ ان پر شرمندہ و معافی کے طلبگار ہونا چاہتے ہیں۔ ہم کبھی آفات آسمانی و زمینی کو ان تعلیمات کے تناظر میں سوچنا ہی نہیں چاہتے جو اللہ نے اپنے پیارے محبوبﷺ کے ذریعے ہمیں بتائیں اور سیکھائی ہیں۔ کیا کبھی ہم نے سوچا اللہ ہم سے کیا چاہتا ہے اور ہم کیا کر رہے ہیں اللہ نے سود سے منع کیا ہم نے مکمل سودی نظام اپنا لیا ، اللہ نے فحاشی سے روکا مگر فحاشی ہماری معاشرتی پہچان بن چکی ، اللہ نے ناپ تول اور کرپشن سے روکا مگر یہ ہمارے کاروبار کے اولین اصول قرار پائے ، اللہ نے غرباء پر ظلم سے روکا مگر یہاں ظالم ہی باعزت ٹھہرا ، اللہ نے عدل و انصاف کو حکمرانوں کے لیئے اولین ترجیح قرار دیا مگر ہم نے خود ایسے حکمران منتخب کیئے جنہوں نے اقرباء پروری اور خاندانی اجارہ داری کو اولین مقصد بنا لیا تو پھر اللہ تو ناراض ہو گا اور زلزلےاور سیلاب بھی آئیں گے۔ کاش ہمارے ملک میں کوئی حضرت عمرفاروق رضی اللہ عنہ جیسا عادل اور خوف خدا رکھنے والا حاکم ہوتا جو زلزلے سے ہلتی ہوئی زمین پر پاؤں مار کر کہتا کہ کیوں ہلتی ہو کیا عمر تم پر انصاف نہیں کرتا اور زلزلہ رک جاتا۔

جب تک ہم زندگی کے اطوار ، اپنا چال چلن ، اخلاقی اوصاف اور سب سے بڑھ کر حکمرانوں کے چناؤ کےمعیار کو بہتر نہیں بنائیں گے ہمیں ایسی آفات کے لیے ذہنی طور پر ہر وقت تیار رہنا چاہئے۔ ‫#‏ذراسوچو‬
(شہزاداسلم مرزا)

مکمل تحریر >>>

"سراج الحق کو کوئی معافی نہیں"

"سراج الحق کو کوئی معافی نہیں"

امام کعبہ ہوں یا کسی گاؤں کی مسجد کا امام دوران نماز غلطی ہو جانا عام سی بات ہے مگر چونکہ یہ غلطی اس بارسراج الحق صاحب سے ہو گئی تو اس کا تماشا بنانا اور سوشل میڈیا پر ثواب سمجھ کر پھیلانا ان متعصب اور غلیظ سوچ کی عکاسی کرتاہے جو مدت سے سخت تگ و دو کے باوجود سراج الحق کے خلاف نہ کرپشن کا الزام تلاش کر سکے نہ جائیداد بیرون ملک بھیجنے کا، نہ دور جوانی کی عیاشیوں کا، نہ موروثیت کا، نہ بھتے اور قتل کا، نہ فرقہ واریت پھیلانے کا اور نہ مال بنانے کا الزام لگا سکے تو نماز میں سہواً غلطی کو ہی اشو بنا لیا۔
سراج صاحب جب سے امیر جماعت اسلامی بنے ہیں انہوں نے کئی عیدوں کی نماز پڑھائی ، بے شمار جمعے پڑھائے، بے شمار نماز جنازے پڑھائے اور ہر روز پنجگانہ نماز پڑھاتے ہیں ان سب کی تو آج تک کسی نےویڈیو شیئر نہیں کی بس ایک انسانی خطا کا کلپ بنا کر شیئر کرنا شروع کر دیا۔ واقعی کچھ لوگوں کی فطرت اس مکھی جیسی ہوتی ہے جو صاف ستھرا جسم چھوڑ کر صرف زخم پر بیٹھتی ہے۔ سجدہ سہو اسی لیئے ہے کہ انسان غلطی ضرور کرے گا تو اس عمل کے ذریعے اس کا کفارہ ادا کر دیے۔ عجب تماشا ہے جن کے لیڈران کو کبھی مسجد میں نماز پڑھتے بھی نہیں دیکھا وہی اسے شیئر کر رہے ہیں۔
ویسے بھی جناب نماز میں غلطی امام سے ہی ہوتی ہے اور امام ہو نا ان بدنصیبوں کی قسمت میں کہاں جن کا سارا وجود ہی حرام خوریوں سے بھرا پڑا ہے۔ سیاسی لیڈروں میں سے امام ہونے کا اعزاز سراج الحق جیسے قائد کو ہی زیبا ہے ۔ ‫#‏ذراسوچو‬
(شہزاداسلم مرزا)

مکمل تحریر >>>