" سوری عوام جی "
میں آج تک عوام کی سوچ اور خواہشات کا غلط اندازہ لگا کر پیش کرتا رہا ۔ میں سمجھتا تھا پی پی پی انتہائی کرپٹ اور نااہل پارٹی ہے عوام نے ان پر بار بار اعتماد کیا مگر یہ عوام کو غربت، محرومی اور بدترین غلامی کے سوا کچھ نہ دے پائی، پی پی پی نے عوام کے جزبات سے کھیلا ہے مگر سندھ کی عوام نے مجھے جھنجھوڑ کر بتایا کہ تم غلط سوچتے ہو، ہمیں یہی پارٹی تو چاہئے جس کے دامن میں ہی سکون ملتا ہے۔میں آج تک یہی سوچتا رہا مسلم لیگ (ن) نے خصوصا پنجاب کے عوام کا بدترین استحصال کیاانہیں چند میگا پراجیکٹ کے پیچھے لگا کر انہیں پٹوایوں، تھانے داروں اور جاگیر داروں و صنعت کاروں کے رحم و کرم پر چھوڑ دیا ہے اور بدترین خاندانی اجارہ داری قائم کر رکھی ہے مگر پنجاب کی عوام نے زور دار انداز سے مجھے بتایا تم غلط تھے، ہماری تمام آرزوؤں کی واحد علامت مسلم لیگ ن ہی ہے۔
مجھے لگتا تھا ایم کیو ایم نے کراچی و حیدرآباد کو قتل و غارت ، بھتہ خوری ، بوری بند لاشوں اور مافیا ٹائپ بدترین غلامی میں مبتلا کر رکھا ہے، یہ دھونس اور دھاندلی کے ذریعے عوام کے سروں پر قابض ٹولہ ہے مجس سے عوام بہت تنگ ہے مگر اربن سندھ نے ثابت کر دیا کہ غلط سوچتے ہو ہمیں بھتہ خور اور قاتل پسند ہیں اپنی سوچ اپنے پاس ہی رکھو۔
٭ جو لوگ یہ سمجھتے تھے کہ اب عوام تبدیلی چاہتے ہیں یا کم از کم بہتری تو ضرور چاہتے ہیں سب بکواس سمجھتے تھے اس عوام کو اپنی رسی، اپنا ڈربہ، اپنا اسطبل، اپنا پنجرہ اور اپنا پٹہ بہت عزیز ہے واقعی کسی نے سچ کہا غلامی کی زنجیریں توڑنا اتنا آسان نہیں ، ایک مطمئن غلام اپنی زنجیروں سے بہت پیار کرتا ہے۔سوری عوام جی
(شہزاداسلم مرزا)
0 تبصرے:
آپ بھی اپنا تبصرہ تحریر کریں
اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔